ეკოლოგიური პრობლემები და “ლოგოსი”
ლოგოსელები მთელი სასწავლო წლის მანძილზე აქტიურად იყვნენ ჩართული სხვადასხვა გარემოსდაცვით ღონისძიებაში.
წლის ბოლოს კი გადაწყვიტეს შემაჯამებელი აქტივობის ჩატარება და ამ გზით თანასკოლელების ცნობიერების ამაღლება ეკოლოგიურ საკითხებზე.
წარადგინეს რამდენიმე ინფორმაციული ვიდეო გარემოს დაცვის ისტორიასა და ახლანდელი მდგომარეობის შესახებ;
ჩაწერეს სიუჟეტები სწრაფ მოდასა და სხვა ძალიან აქტუალურ თემებზე;
დადგეს მუსიკალური პერფომანსი პლასტმასას გამოყენებული ჭიქების მეშვეობით, რომლებიც პერფომანსის ბოლოს ლოგოსის შენობაში განთავსებულ სპეციალურ ურნაში მოათავსეს;
გააკეთეს პრეზენტაციები როგორც ქართულ, ასევე ინგლისურ ენაზე.
ამ ღონისძიებაში დაწყებითი საფეხურის მოსწავლეებმაც შეიტანეს წვლილი და დამსწრეებს დაახვედრეს მათი ხელით დამზადებული ულამაზესი პოსტერები და ბროშურები.
მომავალ სასწავლო წელს ლოგოსელები, სტუდენტურ ცენტრთან ერთად კიდევ უფრო მეტ და მასშტაბურ გარემოსდაცვით ღონისძიებას გეგმავენ